Indian Railways بھارت کی مال گاڑیاں جاپانی پٹریوں پر دوڑ رہی ہیں

جاپان کے تعاون سے بنائے جانے والے ویسٹرن ڈیڈیکیٹڈ فریٹ کوریڈور (ڈی ایف سی) میں ڈبل اسٹیک کنٹینرز کے بوجھ کو سنبھالنے کے لیے جاپان سے درآمد کی جانے والی ریل پٹریاں نصب کی گئی ہیں۔ یہ اطلاع ڈی ایف سی کارپوریشن آف انڈیا لمیٹڈ کے اعلیٰ افسران دی ہے۔

پالن پور: جاپان کے تعاون سے بنائے جانے والے ویسٹرن ڈیڈیکیٹڈ فریٹ کوریڈور (ڈی ایف سی) میں ڈبل اسٹیک کنٹینرز کے بوجھ کو سنبھالنے کے لیے جاپان سے درآمد کی جانے والی ریل پٹریاں نصب کی گئی ہیں۔ یہ اطلاع ڈی ایف سی کارپوریشن آف انڈیا لمیٹڈ کے اعلیٰ افسران نے جمعہ کو وزیر اعظم نریندر مودی کے ذریعہ مغربی ڈی ایف سی کے پالن پور - مہسانہ چڑوتر کے 75 کلومیٹر کے ڈویژن کے افتتاح کے پہلے نامہ نگاروں کو دی۔ Indian Trains Running on Japanese Tracks

پبلک انٹرپرائزز کے چیف جنرل منیجر منیش اوستھی اور گروپ کے جنرل منیجر ونود بھاٹیہ نے کہا کہ ڈی ایف سی پر دو منزلہ یعنی ڈبل اسٹیک کنٹر والی 12 ہزار ٹن لوڈ والی گاڑیوں کی آمدورفت کے لئے 25 ٹن ایکسل لوڈ والی پٹریاں بچھائی گئی ہیں۔ یہ ٹریک جاپان سے درآمد شدہ گریڈ 1080 کی ہیں۔ انہوں نے کہا کہ ملک میں پہلی بار ویسٹرن ڈی ایف سی پر 1080 گریڈ والی پٹریاں بچھائی گئی ہیں۔ انڈین ریلویز اور ایسٹرن ڈی ایف سی کی تمام لائنوں پر گریڈ 880 کی پٹریاں لگائی گئی ہیں جو ملک میں بنائی گئی ہیں۔

بھاٹیہ نے بتایا کہ پالن پور-مہسانہ چڑوتر سیکشن کو ملا کر مغربی ڈی ایف سی کی 1506 کلومیٹر میں سے تقریباً 49 فیصد یعنی 734 کلومیٹر لائن آمدورفت کے لئے کھول دیا گیا ہے۔ وہیں مہسانہ سے سانند تک 77 کلومیٹر کا راستہ بھی تقریباً بن کر تیار ہے۔ کچھ فنیشننگ کا کام باقی ہے۔ انہوں نے کہا کہ ڈی ایف سی میں آٹومیٹک سگنل سسٹم لگایا گیا ہے۔ مال گاڑیوں کی تیز رفتاری برقرار رکھنے کے لیے دونوں سگنلز کے درمیان فاصلہ دو کلومیٹر رکھا گیا ہے۔ Indian Trains Running on Japanese Tracks

اوستھی نے کہا کہ مغربی ڈی ایف سی پر مال بردار ٹرینیں 75 سے 100 کلومیٹر فی گھنٹہ سے زیادہ کی رفتار سے چل رہی ہیں اور اوسط رفتار 65 کلومیٹر فی گھنٹہ سے زیادہ ہے جب کہ بھارتی ریلوے کی عام لائنوں پر مال گاڑیوں کی اوسط رفتار 25 کلومیٹر فی گھنٹہ سے کم ہے۔

یو این آئی