5G Plus Launch in Imphal: بھارتی ایرٹیل نے امپھال میں 5G پلس لانچ کیا

بھارتی ایرٹیل نے بدھ کو امپھال میں اپنی جدید ترین 5G خدمات شروع کرنے کا اعلان کیا ہے۔ صارفین بغیر کسی اضافی لاگت کے تیز رفتار 5جی پلس نیٹ ورک سے لطف اندوز ہو سکتے ہیں۔

کولکتہ: بھارت کی معروف ٹیلی کام سروس فراہم کرنے والی کمپنی بھارتی ایرٹیل نے بدھ کو امپھال میں اپنی جدید ترین 5G خدمات شروع کرنے کا اعلان کیا ہے۔ Bharti Airtel Launches 5G Plus in Imphal

میڈیا بیان کے مطابق، صارفین رول آؤٹ زیادہ وسیع نہ ہو نے تک بغیر کسی اضافی لاگت کے تیز رفتار 5جی پلس نیٹ ورک سے لطف اندوز ہو سکتے ہیں۔ فی الحال، اکمپٹ علاقہ، وار قبرستان، دیولا لینڈ علاقہ، تکل پت علاقہ، ریمس امپھال علاقہ، نیو سیکرٹریٹ، بابوپارا سیکٹر ، نگرم، گھڈی، یوریپک، سگولبند اور چند دیگر منتخب مقامات پر، ایرٹیل اپنے نیٹ ورک کو وسعت دے گا اور پورے شہر میں صارفین کو خدمات فراہم کرے گا۔ Bharti Airtel Launches 5G Plus in Imphal

رجنیش ورما، چیف ایگزیکٹیو آفیسر (سی ای او)، بھارتی ایرٹیل آسام اور شمال مشرقی نے کہا، "میں امپھال میں ایرٹیل 5 جی پلس کے آغاز کا اعلان کرنے کے بعد سے پرجوش ہوں۔ ایرٹیل کے صارفین اب الٹرا فاسٹ نیٹ ورک کا تجربہ کر سکتے ہیں اور وہ 4جی کے مقابلے میں 5جی+ نیٹ ورک کے ذریعے 20-30 گنا تیز رفتار سے لطف اندوز ہو سکتے ہیں۔ Bharti Airtel Launches 5G Plus in Imphal

انہوں نے مزید کہا کہ 5جی نیٹ ورک سے بھارت کی اقتصادی ترقی کو فروغ ملے گا کیونکہ ایرٹیل 5 جی پلس تعلیم، صحت کی دیکھ بھال، مینوفیکچرنگ، زراعت اور نقل و حرکت میں انقلاب لائے گا۔

ورما نے کہا کہ پچھلے ایک سال میں ایرٹیل نے 5G کی طاقت کا مظاہرہ کیا ہے۔ اس سے ہمارے رہنے اور کاروبار کرنے کا طریقہ بدل جائے گا۔ بھارت کا پہلا نجی 5جی نیٹ ورک ایرٹیل 5جی اختراع میں سب سے آگے رہا ہے، جو بھارت میں مینوفیکچرنگ کی پیداواری صلاحیت کو بڑھا رہا ہے۔ Bharti Airtel Launches 5G Plus in Imphal

واضح رہے کہ بھارتی ایئرٹیل نے پیر کو شملہ میں اپنی جدید ترین 5G خدمات کے آغاز کا اعلان کیا تھا۔ Airtel 5G خدمات اس وقت شملہ کے مال روڈ، سنجولی، ڈھلی، بھٹہ کفر، دی رج اور سنجولی ہیلی پیڈ ایریا کے علاوہ چند دیگر منتخب مقامات پر کام کر رہی ہیں۔ ایئرٹیل نے کہا کہ وہ آنے والے وقت میں پورے شہر میں 5G خدمات فراہم کرنے کے لیے اپنے نیٹ ورک کو وسعت دے گا۔