سیمسنگ کا نیا فلیگ شپ فون جلد متعارف

معروف کمپنی سیمسنگ جلد ہی اپنا نیا فلیگ شپ فون گلیکسی نوٹ 10 متعارف کرائے گی، اس کے بارے میں مسلسل خبریں سامنے آرہی ہیں۔

معروف ادارہ فوربز کے مطابق اب نئی لیک میں یہ بات سامنے آئی ہے کہ یہ سیمسنگ کا پہلا ایسا فون ہوگا جس میں تیز ترین چارجنگ سپورٹ دی جائے گی۔

قابل ذکر ہےکہ اس وقت گلیکسی ایس 10 فائیو جی میں 25 واٹ وائرڈ چارجنگ سپورٹ دی جارہی ہے جو کسی اور گلیکسی ایس 10 فون میں موجود نہیں۔

گلیکسی نوٹ 10 میں 45 واٹ چارجنگ اسپیڈ دیئے جانے کا امکان ہے جو کہ پہلی بار جنوبی کورین کمپنی کے کسی فون میں دی جائے گی۔