'فلم’ججمینٹل ہے کیا‘ میں کردار کے ساتھ انصاف کیا'

اپنی سنجیدہ اداکاری کے لیے مشہور کنگنا رنوت کا کہنا ہے کہ انہوں نے فلم’ ججمینٹل ہے کیا‘میں جیسا کردار ادا کیا ہے اس سے وہ آسانی سے انصاف کرسکتی ہیں۔

کنگنا فلم ججمینٹل ہے کیا میں راج کمار راو کے ساتھ نظر آئیں گی۔فلم کا ٹریلر شائقین کے ذریعہ خوب پسند کیاجارہا ہے۔
کنگنا فلم میں ایک پاگل کے کردار میں نظر آئیں گی۔فلم کی کہانی ایک قتل کی کہانی ہے۔اس فلم میں کنگنا ان کے ذریعہ ابھی تک ادا کیےگئے سب سے الگ رول میں نظر آئیں گی۔لیکن وہ اس رول کو انوکھا نہیں مانتی۔
حال ہی میں کنگنا نے ’دی کپِل شرما شو‘ میں شرکت کی ۔اس دوران انہوں نے فلم میں ادا کیےگئے اپنے رول کے بارے کہا کہ یہ رول ان کے لیے انوکھا نہیں ہے۔
وہ اس فلم میں جو رول ادا کرنے والی ہیں وہ ایسا رول پہلے بھی کئی فلموں میں ادا کرچکی ہیں اور انہیں اس کا تجربہ ہوچکا ہے۔وہ اب ایسے کرداروں کے ساتھ انصاف کرسکتی ہیں۔