کریم نگر: علاج کے نام پر خاتون کا مبینہ قتل

آسیب کا سایہ ہوجانے کے نام پرایک عامل نے خاتون کوشدید زدوکوب کیا جس کے نتیجہ میں اس کی موت ہوگئی۔

یہ واقعہ ریاست تلنگانہ کے ضلع کریم نگر میں پیش آیا۔

منچریال سے تعلق رکھنے والی خاتون رجیتا نامی خاتون کا تعلق ضلع کریم نگرسے تھا۔

پچھلے کچھ دنوں سے اس کی صحت خراب تھی اس کے سسرال والوں کو شبہ ہوگیا کہ ان کی بہوکوآسیب کا سایہ ہوچکا ہے۔

وہ اسے مقامی شیام نامی بابا کے پاس لے گئے جواس طرح کے علاج کے دعوے کیا کرتا ہے۔

اس نے شیطان اتارنے کے نام پرخاتون کی بری طرح سے پٹائی کردی اوراسے پٹخ دیا جس کی وجہ سے خاتون زخمی ہوگئی تھی۔

اسے علاج کے لیے کریم نگر کے اسپتال لے جایا گیا جہاں اس کی موت ہوگئی۔