دہلی : ببر خالصہ کے دو ارکان گرفتار

گرفتار ملزمین کی شناخت بھوپندر عرف دلاور سنگھ اور کلونت سنگھ کے طور پر ہوئی ہے۔

دہلی پولیس کی اسپیشل سیل نے شدت پسند تنظیم ببر خالصہ انٹرنیشنل کے دو مشتبہ افراد کو گرفتار کیا ہے۔

گرفتار ملزمین کی شناخت بھوپندر عرف دلاور سنگھ اور کلونت سنگھ کے طور پر ہوئی ہے۔

ان کے پاس سے بڑی تعداد میں اسلحہ برآمد ہوا ہے۔

اسپیشل سیل کی ٹیم ان سے پوچھ گچھ کررہی ہے۔

ڈی سی پی سنجیو یادو کے مطابق اسپیشل سیل کی ٹیم شدت پسند تنظیمببر خالصہ انٹرنیشنل پر کافی دنوں سے کارروائی کر رہی تھی۔

دہلی پولیس

اس دوران خفیہ اطلاع پر شدت پسند تنظیم ببر خالصہ کے دو افراد کو گرفتار کر لیا گیا ہے۔

گرفتاری سے قبل پولیس اور ملزمین کے درمیان فائرنگ بھی ہوئی، تاہم کوئی فریق زخمی نہیں ہوا۔

فی الحال ان دونوں کے خلاف آرمس ایکٹ کے تحت مقدمہ بھی درج کیا گیا ہے۔

ان کے پاس سے مجموعی طور پر 6 پستول اور 40 گولیاں برآمد ہوئی ہیں۔

دونوں ملزمین کا تعلق ریاست پنجاب کے تاریخی شہر لدھیانہ سے ہے۔جسے پنجاب پولیس بھی متعدد معاملات میں تلاش کر رہی تھی۔

دہلی پولیس نے پنجاب پولیس کو اس گرفتاری کی اطلاع دے دی ہے۔