پچیس ہزارکا انعامی بدمعاش گرفتار

پولیس انکاؤنٹر کے بعد نوگواں سادات کی پولیس نے 25 ہزار کا انعامی بدمعاش کو گرفتار کرلیا جبکہ اس کا دوسرا ساتھی فرار ہوگیا۔

ریاست اترپردیش کے ضلع امروہہ کی کوتوالی نوگاواں سادات پولیس نے گاڑیوں کی چیکنگ کے دوران ایک بڑی کامیابی حاصل کرتے ہوئے 25000 کے انعامی بدمعاش کو گرفتارکیا ہے۔

امروہہ ایس پی ویپین ٹانڈا نے بتایا کہ نوگواں کوتوال اجے کمار جب اپنے ہمراہ کے ساتھ چیکنگ کررہے تھے تبھی دوافراد بائک پر آئے جن کو روکنے کا اشارہ کرنے پر انہوں نے پولیس پر گولی چلا دی جس کے جواب میں پولیس نے بھی گولی چلائی۔

کافی دیر انکاوٗنٹر کے بعد ایک بدمعاش کو پولیس نے زخمی حالت میں گرفتار کرلیا جبکہ دوسرا ساتھی اندھیرے کا فائدہ اٹھا کر فرار ہوگیا۔

انکاؤنٹر میں پولیس کا ایک سپاہی بھی زخمی ہوگیا ہے۔

ایس پی نے بتایا کہ بدمعاش پر درجنوں معاملے درج ہیں ابھی حال ہی میں اس بدمعاش نے ایک دروغہ کی کار بھی چوری کی تھی۔