سینچر کے روز ضلع کے کھٹولی شہر میں اس وقت سنسنی پھیل گئی جب مقامی لوگوں نے فارچیونر کار میں ایک شخص کی لاش دیکھی۔ جسے گولی مار کر قتل کر دیا گیا تھا۔
حیرت کی بات یہ ہے کہ یہ کار صبح تقریبا 6 بجے سے پولیس چیک پوسٹ کے قریب کھڑی ہوئی تھی۔ پولیس کو اطلاع دینے کے باوجود پولیس نے موقعہ واردات پر پہنچنے میں تاخیر کی۔
پولیس نے موقعہ واردات سے ملنے والے دستاویز کی بنیاد پر ہلاک شدہ شخص کی شناخت 45 سال کے پنکج کے طور پر کی ہے۔ پولیس نے کار سے ایک موبائل فون، کپڑے اور ٹول پرچی برآمد کی ہے۔
اطلاع کے مطابق نوجوان کے سینے میں چار گولی ماری گئی ہے، ساتھ ہی ایک گولی لاش کے سامنے سے برآمد کی گئی ہے جس سے یہ انکشاف ہوتا ہے کہ بدمعاشوں نے نوجوان پر تقریبا 5 گولی چلائی تھی۔
پولیس کو تفتش کے دوران یہ بھی معلوم ہوا کہ پنکچ کی لاش جس فارچیونر کار سے برآمد کی گئی ہے، اس کا نمبر سہارن پور کا ہے۔ ساتھ میں پولیس جائے وقوع پر ڈاگ اسکواڈ کی مدد سے قاتلوں کو تلاش کر رہی ہے۔ فی الحال پولس نے جانچ شروع کر دی ہے۔