جنسی زیادتی کے ملزم کو دس برس قید کی سزا

اترپردیش کے ضلع بلرامپور کی ایک عدالت نے نابالغ لڑکی کا اغوا کرکے اس کے ساتھ جنسی زیادتی کرنے والے ملزم کو دس برس قید کی سزا اور 30 ہزار روپئے جرمانے کی سزا سنائی ہے۔

ریاست اترپردیش کے ضلع بلرامپور کے سرکاری وکیل نے بتایا کہ تقریبا دو برس قبل نگر کوتوالی علاقے میں متأثرہ کے والد نے مقدمہ درج کراتے ہوئے الزام لگایا تھا کہ مہاراج گنج ترائی تھانہ علاقے کے شیوچرن ڈیہہ باشندہ امیش کمار نے اس کی نابالغ بیٹی کا اغوا کرکے اس کی جنسی زیادتی کی ہے۔ پولیس نے معاملے کی جانچ کرنے کے بعد ضلع کی پاکسو عدالت میں چارج شیٹ فائل کی تھی۔
اڈیشنل ڈسٹرکٹ سیشن کورٹ(اول) جج سنیل سنگھ نے دونوں فریقین کی بحث سننے اور داخل دستاویزات کی بنیاد پر معاملے میں ملزم کو مجرم پایا۔ جج نے نابالغ کا اغوا کرکے اس کے ساتھ جنسی زیادتی کرنے کے پاداش میں شیوچرن کو دس برس کی سزا اور تیس ہزار روپئے کا جرمانہ عائد کیا ہے۔

عدالت نے اپنے فیصلے میں کہا ہے کہ جرمانے کی رقم ادا نہ کرنے کی صورت میں ملزم کو مزید تین سالوں کی سزا جھیلنی پڑے گی۔