پولیس کی اس کاروائی کے بعد متحدہ عرب امارات میں کھیلے جارہے آئی پی ایل ٹورنامنٹ کے میچوں میں فِکسنگ کا قیاس کیا جا رہا ہے۔
ذرائع کےمطابق ایس او جی نے اس میں ملوث سٹے بازوں کے ذریعہ لگائے جانے والے سٹے کی آن لائن تحقیقات شروع کردی ہیں۔ اے ٹی ایس کے مطابق ان کے بیرون ممالک رابطے کے امکان ہے۔
رابطوں کے ذرائع کی بنیاد پر کئی دن تک خفیہ تفتیش کے بعد اے ٹی ایس نے گذشتہ رات کارروائی کی تھی جس میں مجموعی طور پر 14 افراد کو گرفتار کیا گیا تھا۔
راجستھان میں جے پور اور ناگور میں چھاپے مارے گئے جبکہ نئی دہلی، گجرات اور حیدرآباد میں بھی سٹے بازوں کو پکڑا گیا ہے۔
اے ٹی ایس ذرائع کے مطابق دیگر ریاستوں سے لوگ راجستھان آ رہے تھے اور اپنی شناخت بدل کر سٹے بازی کر رہے تھے۔