ریاست مدھیہ پردیش کے صنعتی شہر اندور میں ڈی آئی جی روچی وردھن مشرا نے تمام پولیس تھانوں کو جرائم سے نمٹنے کے لیے سخت ہدایت دے رکھی ہے۔
اندور کے ہیرا نگر تھانہ علاقے میں پولیس نے مخبرکی اطلاع کے بعد لٹیروں کی ایسے گروہ کا پردہ فاش کیا ہے جو ٹول ناکہ کے ملازم کو لوٹنے کی منصوبہ بندی کے تحت برج کے نیچے بیٹھے تھے۔
پولیس افسر پرشانت چوبے نے نامہ نگاروں کو بتایا کی ہم نے مخبر کی مخبری سے ایسے لٹیروں کی گینگ کو پکڑا ہے جو لوٹ کی واردات کو انجام دینے والا تھا۔
خیال رہے کہ پکڑے گئے لٹیروں کے پاس سے پولیس نے دو گاڑیاں، تین چاکو، ایک دیسی کٹّہ سمیت ایک زندہ کارتوس برآمد کیا ہے۔
حراست میں لیے گئے چار ملزموں میں ایک ملزم کمسن ہے، جبکہ دیگر تین کی شناخت ریتیش عمر 32 برس، منوج عرف پلو عمر 27 برس، شبھم عمر 30 برس کو اندور میں رہنے والے کے طور پر کی گئی ہے۔
واضح رہے کہ ان کے خلاف قتل، لوٹ، چاقو بازی، بغیر لائسنس ہتھیار رکھنے جیسے سنگین مقدمے درج ہیں۔
ان کے پاس سے ایک ایسی ماسٹر چابی ملی ہے جس سے متعدد تالے کھولے جاسکتے ہیں بتایا جارہا ہے کہ یہ ملزمان نشہ کے عادی ہیں جس کو پورا کرنے کے لیے اس طرح کی وارداتوں کو انجام دیتے ہیں۔
پولیس ابھی ان لوگوں سے پوچھ گچھ کررہی ہے۔
دوسری جانب ان ملزمان کے اہل خانہ کا کہنا ہے کہ پولیس ان پر سازش کے تحت سنگین الزام لگارہی ہے، جبکہ حراست میں لیے گئے سبھی ملزم بے قصور ہیں۔
