اجمیر: منشیات فروش گرفتار

پولیس ایس پی کنور راشٹردیپ کے حکم پر چلائی جارہی منشیات کے خلاف مہم میں ملزم خلیق احمد کو گرفتار کیا ہے۔

ریاست راجستھان کے شہر اجمیر میں منشیات کے خلاف چل رہی مہم کے تحت درگاہ پولیس اسٹیشن نے کارروائی کرتے ہوئے ایک دکاندار کو گرفتار کیا ہے۔

پولیس کے مطابق شیشہ خان علاقہ میں مقامی دکاندار پر معصوم بچوں کے درمیان منشیات فروخت کرنے کا الزام ہے۔

منشیات کے خلاف مہم کے تحت نشا آور کیمیکل کے ذریعے خانہ بدوش بچوں کے درمیان نشا آور اشیا فروخت کرنے کے الزام میں خلیق احمد کو گرفتار کیا گیا ہے۔

مقامی افراد نے بتایا کہ درگاہ علاقے میں خانہ بدوشوں بچوں کو اس کیمیکل کو سونگھنے کا نشہ لگا ہوا ہے۔

اس علاقے میں تقریبا دو سو سے زیادہ بچے اس نشے کی عادت کا شکار ہو چکے ہیں۔

اس کی وجہ سے ان کی زندگی داؤ پر لگی ہوئی ہے۔

پولیس کی اس مہم سے بچوں کی زندگی اور نشہ کی عادت سے انھیں دور رکھا جاسکتا ہے، علاقے میں پولیس کی اس مہم سے مقامی لوگ بہت خوش نظر آ رہے ہیں۔