سڑک حادثے میں ایک ہلاک

ہماچل پردیش کے ضلع منڈی میں ایک اسکورپیو آج صبح بیاس ندی میں گرنے سے اس میں سوار میاں بیوی میں سے میاں کی موت جبکہ بیوی شدید طور پر زخمی ہوگئی۔

پولیس کے مطابق میاں بیوی ووٹ ڈالنے کے لئے دلی سے کلّو جارہے تھےکہ راستے میں یہ حادثہ پیش آگیا۔

پولیس نے مزید کہا کہ منالی چنڈی گڑھ قومی شاہراہ پر ضلع منڈی ہیڈ کوارٹر سے قریب تین کلومیٹر دور ورنداونی کے نزدیک اسکارپیو بیاس ندی میں گر گئی۔

اس واقعہ میں شوہر کی موت ہوگئی اور بیوی کی حالت نازک بتائی جارہی ہے، زخمی کو علاج کے لئے علاقائی اسپتال منڈی بھیج دیا گیا ہے۔

مہلوک کی شناخت پرکاش 42 سالہ چندر بودھ کے طور پر کی گئی ہے۔

حادثہ صبح پانچ بجے پیش آیا۔

پولیس سپرنٹنڈنٹ منڈی گردیو شرما نے حادثے کی تصدیق کی ہے۔ انہوں نے کہا کہ معاملہ درج کرلیا گیا ہے اور لاش قبضے میں لیکر پوسٹ مارٹم کے بعد اہل خانہ کے حوالے کردی گئی ہے۔

پولیس حادثے کے اسباب کی جانچ کررہی ہے۔