اس کیس میں 28 سالہ ہیمنت ساگرمل سونی اور اس کی معشوقہ کو قتل کے الزام میں گرفتار کیا گیا ہے جو قتل کے بعد فرار ہو گئے تھے۔ ملزم قتل کرنے کے ساتھ ساتھ 5 لاکھ کی نقدی اور 6 لاکھ روپئے مالیت کا سونا بھی لے کر فرار ہوگئے تھے، جس میں سے پولیس نے 90 فیصد مال برآمد کرلیا ہے۔
بیوی نے شوہر کے قتل کی گتھی سلجھائی اس کیس میں صرف ہیمنت سونی کو ملزم بنایا گیا ہے۔
ممبئی کے سونا تاجر کے قتل کی گتھی ڈنڈوشی پولس ایک ویڈیو کال کے ذریعے سلجھانے میں کامیاب ہوئی ہے، مقتول نے اپنے قتل سے قبل اپنی بیوی کو ویڈیو کال کیا تھا، مقتول نتیش سونی کی بیوی نے پولس کو بتایا تھا کہ جس دن اس کے شوہر کا قتل اس کے کارخانے میں ہوا تھا اسی دن ہیمنت سونی ایک خاتون کے ساتھ وہاں موجود تھا اسی بنیاد پر پولس اسے راجستھان سے گرفتار کرنے میں کامیاب رہی۔
پولیس کے مطابق مقتول نتیش سونی اور ملزم ہیمنت سونی کبھی دوست ہوا کرتے تھے ہیمنت نے ہی نتیش کو سونے چاندی کے زیورات بنانا سکھایا تھا لیکن ہیمنت کو بیئر بار میں جانے اور بار گرلز پر پیسے لٹانے کی عادت تھی اور اس کے اسی عادت کی وجہ سے اس کا کاروبار ختم ہوا تھا۔
دوسری جانب ہیمنت کی بیوی بھی اس کی اس عادت سے پریشان ہو کر راجستھان چلی گئی تھی۔ زون 12 کے ڈی سی پی ونئے راٹھوڑ کے مطابق ہیمنت کو شک تھا کہ نتیش اس کی بیوی کو اس کے تعلق سے بھڑکاتا ہے اسی بات کو لے کر وہ اس سے ناراض رہا کرتا تھا۔
10 مئی کی شب کو وہ نتیش کے ملاڈ مشرق رانی ستی روڈ کھوت کنواں میں واقع اس کے کارخانہ پر ایک خاتون کے ساتھ رات ایک بجے پہنچا تھا پولیس کے مطابق وہ بار گرل تھی تینوں رات بھر ساتھ تھے۔
صبح 5 سے 6 بجے کے درمیان دونوں کا کسی بات پر جھگڑا ہوا غصہ میں ہیمنت نے انگوٹھی بنانے کا اوزار نتیش کی آنکھ میں گھسا دیا اور زیادہ خون بہنے کی وجہ سے اس کی موت ہو گئی۔
اس واقعہ سے قبل نتیش نے گاؤں میں مقیم اپنی بیوی کو ویڈیو کال کیا تھا، کال کے دوران نتیش نے اپنی بیوی کو دکھایا تھا کہ ملزم ہیمنت اور دیگر ایک خاتون وہاں موجود ہے۔
نتیش کے قتل کے بعد ہیمنت کارخانہ سے 10 لاکھ روپئے مالیت کے سونے کے 350 گرام زیورات اور ساڑھے پانچ لاکھ روپئے لے کر فرار ہو گیا۔ سینئر پولس انسپکٹر راجا رام وہنمانے نے بتایا کہ ملزم کو تعزیرات ہند کے دفعات 302، 398 اور 201 کے تحت گرفتار کیا گیا ہے ۔
