پولیس تصادم میں بدمعاش گرفتار

نوئیڈا کے سیکٹر 62 میں ڈی پارک کے سامنے موبائل فون چھین کر بھاگ رہے بدمعاشوں کو پولیس نے گھیر لیا اور گولیوں کے تبادلہ میں دونوں بدمعاشوں کو زخمی کرکے گرفتار کر لیا گیا۔

نوئیڈا پولیس نے اسنیچنگ کو روکنے کے لیے ٹیمیں تشکیل دی ہیں۔ صبح جب یہ ٹیم گشت کر رہی تھی تبھی کسی کا موبائل چھینا گیا، اس شخص نے شور مچایا، جس کا موبائل لوٹ کر لٹیرے بھاگ رہے تھے۔ لٹیروں کا پولیس نے پیچھا کیا اور اپنے آپ کو ان کے حوالے کرنے کا حکم دیا، جس پر لٹیروں نے فائرنگ شروع کر دی، جوابی کاروائی میں دونوں لٹیرے زخمی ہونے کے بعد پکڑ لیے گئے۔

گرفتار بدمعاشوں کے نام وویک اور اجے ہیں۔ دونوں کا تعلق نئی دہلی کے کلیان پوری سے ہے۔
ان میں سے ایک بدمعاش اجے دہلی میں ڈکیتی اور قتل کے معاملے میں 2017 میں جیل بھی جا چکا ہے، ابھی ضمانت پر رہا ہوا ہے۔