بجنور: پولیس اہلکار پر جنسی زیادتی کا الزام

ریاست اترپردیش کے شہر بجنور میں ہیڈکانسٹیبل منوج رستوگی کے خلاف جنسی زیادتی کرنے کے الزام میں مقدمہ درج کیا گیا ہے۔

متاثرہ کی والدہ کی تھانے میں دی گئی تحریر کے مطابق مجرم سپاہی منوج رستوگی کے خلاف پولیس نے سنگین دفعات کے تحت مقدمہ درج کر تفتیشی کارروائی شروع کر دی ہے۔

ہیڈ کانسٹیبل منوج رستوگی ایک سال قبل ضلع بجنور کے خاتون پولیس اسٹیشن میں تعینات تھے۔

اسی دوران ایک خاتون اپنے شوہر کے خاندانی تنازعہ کے سلسلے میں خاتون پولیس اسٹیشن آجا رہی تھی۔ اسی دوران اس کی متاثرہ خاتون کے ساتھ شناسائی ہوگئی اور پھر وہ دونوں ساتھ رہنے لگے۔

تاہم اب متاثرہ خاتون نے منوج رستوگی پر الزام لگایا ہے کہ منوج ان کے اور ان کی بیٹی کے ساتھ جنسی زیادتی کر رہا تھا۔

منوج رستوگی کے خلاف بجنور تھانے میں پوکسو ایکٹ اور دفعہ 376 کے تحت مقدمہ درج کیا گیا ہے۔

فی الوقت منوج ضلع مراد آباد میں تعینات ہے ، اس لیے ایس پی بجنور نے اس معاملے کو مراد آباد ایس ایس پی کے پاس یہ معاملہ بھیج دیا ہے۔

مراد آباد ایس ایس پی نے منوج رستوگی کانسٹیبل کو فوری طور پر معطل کردیا ہے ، مزید کارروائی عمل میں لائی جارہی ہے