میرٹھ: دوستوں نے نوجوان کو گولی مار کر زخمی کردیا

ریاست اترپردیش کے ضلع میرٹھ کے قصبہ سردھانہ میں ایک نوجوان کو نامعلوم افراد نے گولی مار کر شدید طور پر زخمی کردیا۔ لیکن نوجوان کے مطابق اس کے دوستوں نے فون کر اس كو برولی بڑوت کے جنگل میں لے جاکر گولی مار دی، جن کی تلاش جاری ہے۔

ضلع میرٹھ کے سردھانہ قصبہ کے رہنے والے سراج الدین ولد معین الدین كو اسی کے دوستوں نے تھانہ بڑوت علاقے کے برولی کے جنگل میں لے جا کر گولی مار دی۔ شدید طور پر زخمی نوجوان كو میرٹھ ہائر سینٹر ریفر کر دیا گیا ہے۔

اطلاع کے مطابق مقامی لوگوں نے جب نوجوان كو زخمی حالت میں دیکھا تو پولیس کو اطلاع دی۔ پولیس کو اطلاع ملتے ہی موقع واردات پر پہنچ کر زخمی کو بڑوت کے نجی اسپتال میں داخل کرایا گیا۔ ان کی اس نازک حالت کو دیکھ کر ڈاکٹروں نے انہیں میرٹھ کے ہائر سینٹر ریفر کردیا۔حالانکہ پولیس اس پورے معاملے کی تفتیش میں جٹ گئی ہے ۔اور جلد ہی ملزمین كو گرفتار کر نے کی بات بھی کہ رہی ہے ۔

سرکل افسر نے بتایا کہ سراج الدین نامی شخص کو کچھ نامعلوم افراد نے گولی مار دی ہے۔لیکن نوجوان کے ساتھ بات چیت کرنے پر اس کے دوستوں کی بات سامنے آئی ہے، جس پر تفتیش کی جارہی ہے۔

جانکاری کے مطابق باغپت کے دو نوجوانوں سے دوستی کی بات تو سامنے آ رہی ہے ۔لیکن حملہ کی وجوہات بھی جاننے کی کوشش کی جا رہی ہے اب دیکھنا ہوگا پولیس ملزمین کو گرفتار کر معاملے سے پردہ اٹھا پاتی ہے۔