غیر قانونی کال سینٹر کا انکشاف، تین گرفتار

ریاست گجرات میں ضلع گاندھی نگر کے سانتیج علاقے میں پولیس نے ایک غیر قانونی کال سینٹر کا انکشاف کرکے تین لوگوں کو گرفتار کیا۔

پولیس کے مطابق خفیہ اطلاع کی بنیاد پر ناندولی گاؤں کے ایک بنگلے پر چھاپہ مارا گیا۔اس دوران امریکہ کے بزرگ شہریوں کو لین دین کے نام پر ٹھگنے والے غیر قانونی کال سینٹر کا انکشاف کیا گیا اور وہاں سے سات لاکھ 20ہزار 150روپے کے کمپیوٹر ،لیپ ٹاپ،موبائل فون اور دیگر آلات ضبط کرلیےگئے۔

اس سلسلے میں احمدآباد کے رہنے والے ویویک چوہان،سدھارتھ بتھیا اور راجستھان کے شوبھم شرما کو گرفتار کیا گیا ہے۔پولیس معاملہ درج کرکے ملزمین سے پوچھ تاچھ کررہی ہے۔