سی پی آئی ایم رہنما کے بیٹے سے ای ڈی کی پوچھ گچھ

اسمگلرز کے ساتھ بنیش کوڈ یاری کےقریبی روابط کا انکشاف کیا گیا۔

انفورسمنٹ ڈائریکٹوریٹ کے عہدیداروں نے کیرالہ میں سونے کی اسمگلنگ اور بنگلورو میں ضبط کئے گئے منشیات کے سلسلے میں مارکسی کمیونسٹ پارٹی (سی پی آئی-ایم) کے سکریٹری بال کرشنن کوڈیاری کے بیٹے بنیش کوڈ یاری سے پوچھ گچھ کی ہے۔

ای ڈی کے عہدیداروں نے بنیش کو بدھ کے روز حوالہ کاروبار روک تھام ایکٹ کے تحت پوچھ گچھ کے لئے طلب کیا تھا اور 11 گھنٹے سے زیادہ اس سے پوچھ گچھ کی۔نارکوٹکس کنٹرول بیورو نے حال ہی میں بنگلور میں ایک منشیات اسمگلر گروہ کا پردہ فاش کیا تھا اور انکشاف کیا کہ بنیش کو اس عرصے کے دوران این سی بی کے ذریعہ گرفتار اسمگلروں کے ساتھ قریبی روابط تھے، جس کے بعد ای ڈی نے انہیں سمن بھیجا۔