ہاتھرس کے ملزموں کا سر قلم کرنے پر انعام کا اعلان کرنے والا گرفتار

اترپردیش کی بلند شہر پولیس نے ہاتھرس ملزموں کا سر قلم کرنے پر ایک کروڑ روپے کے انعام کا اعلان کرنے والے کانگریس کے رہنما نظام ملک کو گرفتار کر لیا۔

کھرجہ علاقے کے پولیس سب انسپکٹر سریش کمار نے بتایا کہ گذشتہ دنوں جب کانگریس کے رہنما پرینکا گاندھی اور راہل گاندھی ہاتھرس کے لیے نکل رہے تھے اسی دوران کھرجہ کے کانگریس کے رہنما نظام ملک نے ہاتھرس کے قصوواروں کا سر قلم کرنے والوں کو ایک کروڑ روپے کا انعام دینے کا اعلان کیا تھا۔

یہ متنازعہ بیان سوشل میڈیا پر وائرل ہونے کے بعد کھرجہ پولیس حرکت میں آئی اور اس کا نوٹس لیتے ہوئے نظام ملک کو گرفتار کر لیا۔

انہوں نے بتایا کہ وائرل ویڈیو کا نوٹس لیتے ہوئے ملزم رہنما کو گرفتار کرکے ان کے خلاف قانونی کاروائی کی جا رہی ہے۔