نئی دہلی: غیر ملکی کرنسی کے ساتھ ایک شخص گرفتار

قومی دارالحکومت نئی دہلی میں واقع آئی جی آئی ایئر پورٹ پر سی آئی ایس ایف نے غیر ملکی کرنسی کی اسمگلنگ کرنے والے ایک شخص کو بارہ ہزار 900 امریکی ڈالر کے ساتھ گرفتار کیا ہے۔

ملزم کی شناخت حسین کے طور پر کی گئی ہے۔

سی آئی ایس ایف کے ترجمان کے ملزم کو مشتبہ حالت میں ادھر ادھر گھومتے ہوئے دیکھا تھا۔

سکیورٹی اہلکار کو جب شک ہوا تو انھوں نے اس کی تلاشی شروع کردی۔

گرفتار شخص کے پاس سے تقریباً تیرہ ہزار امریکی ڈالر برآمد ہوئے، جس کی ہندوستانی کرنسی میں قیمت تقریباً ساڑھے نو لاکھ بتائی جا رہی ہے۔

فی الوقت گرفتار شخص سے پوچھ گچھ جاری ہے۔