موٹر سائیکل سوار کے ساتھ مارپیٹ

ریاست اتر پردیش کے ضلع سہارنپور کے دیوبند کے گاؤں میں نامعلوم افراد نے ایک بائک سوار کے ساتھ مارپیٹ کی اور اس کی بائک چھین کر فرار ہوگئے۔

گزشتہ روز موٹر سائیکل سوار تجمل اپنے گاؤں بچیٹی سے اپنے سسرال عمرپور جار رہا تھا۔

راستے میں سنسان علاقے میں نامعلوم افراد نے اسے روکا اور اس کے ساتھ بری طرح مار پیٹ کی، اور اس کی موٹر سائیکل چھین کر فرار ہوگئے۔

ان نا معلوم افراد نے تجمل پر تیز دھار والے ہتھیار سے وار کیا جس میں وہ بری طرح زخمی ہوگیا اور زخموں کی تاب نہ لاتے ہوئے وہ بیچ سڑک پر گر پڑا۔

اس راستے گزر رہے لوگوں نے اس بات کی اطلاع مقامی پولیس کو دی اور پولیس اہلکار موقع واردات پر پہنچ کر تجمل کو ابتدئی علاج کے سرکاری ہسپتال داخل کردیا۔

پولیس نے اس معاملے میں کیس درج کرلیا ہے اور ان نامعلوم افراد کو تلاش کررہی ہے۔