امروہہ پولیس نے لوٹ کے الزام میں ملزموں کو گرفتار کیا

امروہہ ضلع کے تھانہ دیہات پولیس نے بڑی کامیابی حاصل کرتے ہوئے کانٹ روڈ پر لوٹ مار کرنے والے چار بدمعاش کو گرفتار کیا ہے۔ پولیس نے ملزموں سے لوٹ کے موبائل، روپے اور غیر قانونی اسلحہ برآمد کیا ہے۔

ریاست اتر پردیش کے ضلع امروہہ کے تھانہ دیہات میں پولیس نے چار بدمعاش کو گرفتار کیا ہے۔یہ بدمعاش لوٹ مار جیسے جرم کو انجام دیتے تھے۔

امروہہ کے ایڈیشنل سپرنٹنڈنٹ اجئے پرتاپ سنگھ نے پریس کانفرنس کے دوران بتایا کہ پولیس کو اطلاع ملی تھی کہ کچھ بدمعاش کانٹ روڈ پر رائے پور کالا میں ایک ٹیوب ویل کے پیچھے لوٹ مار کے کام کو انجام دینے کا منصوبہ بنا رہے ہیں۔

اطلاع ملنے پر تھانہ دیہات پولیس نے موقع پر ہی ملزموں کو گرفتار کرنے کی کوشش کی لیکن ملزموں نے پولیس ٹیم پر فائرنگ شروع کر دی جس کے بعد پولیس نے جوابی کارروائی کرتے ہوئے مورچہ بندی کر دی۔

اے ایس پی نے بتایا کہ انکاؤنٹر کے بعد پولیس نے محاصرہ کیا اور چار نوجوانوں کو گرفتار کر لیا، جن کے قبضہ سے نوگاوا بائی پاس سے کانٹ روڈ سڑک پر آنے والے راہگیروں سے لوٹے گئے 04 موبائل فون اور 3000 ہزار روپے کے ساتھ 2 غیر قانونی اسلحہ، 3 زندہ کارتوس، 1 کھوک کارتوس، 315 بور اور 2 چاقو برآمد کئے گئے ہیں۔ پکڑے گئے تمام مجرموں کے خلاف پہلے بھی کئی لوٹ مار کے معاملے درج ہیں۔