UK Visas For Indians برطانیہ نے ہر سال بھارتیوں کو تین ہزار ویزے دینے کا اعلان کیا

بالی میں جی 20 سربراہی اجلاس کے دوران برطانوی وزیراعظم رشی سونک کی وزیراعظم مودی سے ملاقات کے چند گھنٹوں کے بعد ہی برطانیہ نے بھارتیوں کے لیے سالانہ تین ہزار ویزوں کی منظوری دی ہے۔ UK Visas for Indians

لندن: بھارت-برطانیہ دوطرفہ اور اقتصادی تعلقات کو مضبوط بنانے کے لیے برطانوی وزیر اعظم رشی سونک کی جانب سے شروع کی گئی ایک نئی اسکیم کے تحت 3,000 بھارتیوں کو برطانیہ جانے کے لیے سالانہ ویزا دیا جائے گا۔ نیو یوکے انڈیا ینگ پروفیشنلز اسکیم کے تحت، ملک کے 18-30 سال کی عمر کے ڈگری یافتہ بھارتی شہریوں کو دو سال تک برطانیہ میں رہنے اور کام کرنے کے لیے ایک سال میں 3,000 ویزا دے گا۔UK Visas for Indians

بھارت اس طرح کی اسکیم سے مستفید ہونے والا پہلا ملک ہے، یہ اقدام ایسے وقت میں آیا جب سونک نے انڈونیشیا میں جاری جی 20 سربراہی اجلاس کے موقع پر پہلی دفعہ وزیر اعظم نریندر مودی سے ملاقات کی۔ گزشتہ ماہ بھارتی نژاد برطانوی وزیر اعظم کا عہدہ سنبھالنے کے بعد یہ ان کی وزیراعظم مودی سے پہلی ملاقات تھی۔ برطانیہ کے وزیر اعظم کے دفتر نے کہا، 'اسکیم کا آغاز بھارت کے ساتھ ہمارے دو طرفہ تعلقات اور ہند-بحرالکاہل خطے کے ساتھ مضبوط تعلقات استوار کرنے کے لیے برطانیہ کے وسیع عزم کی عکاسی کرتا ہے۔

قابل ذکر ہے کہ برطانیہ میں تمام بین الاقوامی طلباء کا تقریباً ایک چوتھائی بھارت سے ہیں۔ وہیں بھارتی سرمایہ کاری سے پورے برطانیہ میں 95,000 ملازمتیں پیدا ہوتی ہیں۔برطانیہ اس وقت بھارت کے ساتھ تجارتی معاہدے پر بات چیت کر رہا ہے۔ اگر یہ معاہدہ ہو جاتا ہے تو یہ بھارت کی طرف سے کسی بھی یورپی ملک کے ساتھ اپنی نوعیت کا پہلا معاہدہ ہوگا۔ تجارتی معاہدہ برطانیہ اور بھارت کے تجارتی تعلقات پر استوار کرے گا، جس کی مالیت پہلے ہی 24 بلین پاؤنڈ ہے اور برطانیہ کو بھارت کی بڑھتی ہوئی معیشت کے ذریعہ پیش کردہ مواقع سے فائدہ اٹھانے کی اجازت دے گا۔