امریکی ریاست نیو میکسیکو میں 4 مسلمانوں کے قتل میں ملوث مرکزی ملزم کو پولیس نے گرفتار کرلیا ہے۔ میڈیا اطلاع کے مطابق پولیس نے بتایا کہ چار مسلمان افراد کے قتل میں مطلوب ملزم 51 سالہ محمد سید کو گرفتار کر لیا گیا۔ پولیس کا کہنا ہے کہ ملزم کے گھر سے متعدد شواہد کو بھی برآمد کر لیا گیا۔ ملزم محمد سید کی گرفتاری مسلم کمیونٹی کی مدد سے کی گئی۔ Suspect arrested in killings of Muslim men in New Mexico
محمد سید پر 2 پاکستانیوں اور 2 افغانوں کو قتل کرنے کا الزام ہے۔ اس سے قبل پولیس نے مشتبہ ملزم کی قتل کے واقعات سے منسلک ہونے کی تصدیق نہیں کی تھی اور نہ ہی گرفتار شخص کے حوالے سے مزید کوئی تفصیلات بتائی تھیں۔ پولیس کا کہنا ہے کہ قتل کے چاروں واقعات کا آپس میں ممکنہ تعلق ہے۔