PM Modi congratulates Rishi Sunak وزیراعظم مودی کی رشی سونک کو مبارکباد

وزیر اعظم نریندر مودی نے رشی سونک کو مبارکبادی پیش کرتے ہوئے ٹویٹ کیا کہ وہ عالمی مسائل پر ایک ساتھ مل کر کام کرنے اور روڈ میپ 2030 کو لاگو کرنے کے منتظر ہیں۔ قابل ذکر ہے کہ سونک اس سال تیسرے اور گزشتہ دو سو برسوں میں سب سے کم عمر کے برطانوی وزیر اعظم بنیں گے۔ PM Modi congratulates Rishi Sunak

دہلی: وزیر اعظم نریندر مودی نے رشی سونک کو برطانیہ کا وزیر اعظم بننے پر مبارکباد دی ہے۔ مودی نے بھارتی نژاد رشی سونک کے ذریعے برطانیہ میں مقیم ہندوستانیوں کو بھی دیوالی کی خصوصی مبارکباد بھی دی ہے۔PM Modi congratulates Rishi Sunak

ٹویٹر پر اپنے مبارکباد کے پیغام میں، وزیر اعظم مودی نے کہا کہ رشی سونک آپ کو برطانیہ کا وزیر اعظم بننے پر دلی مبارکباد۔ میں مختلف عالمی مسائل پر آپ کے ساتھ مل کر کام کرنے اور 2030 کے جامع منصوبے کو نافذ کرنے کا منتظر ہوں۔ یک ایسے وقت میں جب ہم اپنے دونوں ممالک کے تاریخی تعلقات کو ایک جدید شراکت داری میں تبدیل کر رہے ہیں، برطانیہ میں رہنے والے ہندوستانیوں کے ’لیونگ برج' کو دیوالی کی خصوصی مبارکباد‘‘۔

وزیراعظم مودی کی رشی سونک کو مبارکباد

واضح رہے کہ وزیر اعظم نریندر مودی نے 2015 میں اپنے دورہ برطانیہ کے دوران لندن کے ویمبلے اسٹیڈیم میں دنیا بھر میں پھیلے ہوئے ہندو نژاد لوگوں سے خطاب کرتے ہوئے ’لونگ برج‘ کا لفظ استعمال کیا تھا۔ اس لفظ کا استعمال کرتے ہوئے وزیر اعظم مودی کا مطلب ہے کہ دنیا بھر میں پھیلے ہندوستانی اپنے ملک اور اپنے آبائی ملک کے درمیان ایک زندہ پل کا کردار ادا کرتے ہیں۔

قابل ذکر ہے کہ سونک اس سال تیسرے اور گزشتہ دو سو برسوں میں سب سے کم عمر کے برطانوی وزیر اعظم بنیں گے۔ سونک جو بھارتی نژاد ہیں اور برطانیہ کے پہلے وزیراعظم ہوں گے، انہیں معاشی اور سیاسی بحران کے وقت پارٹی اور ملک کو مستحکم کرنے کے کام کا سامنا ہے۔ رشی سونک برطانیہ کے پہلے سیاہ فام وزیر اعظم ہوں گے اور وزیر اعظم کی رہائش گاہ ڈاؤننگ اسٹریٹ کے پہلے ہندو شخص ہوں گے۔ سونک کو کنزرویٹو پارٹی کی پارلیمانی پارٹی کے 180 ارکان کی اعلانیہ حمایت حاصل تھی، جب کہ محترمہ پینی مورڈونٹ 100 ارکان کی حمایت حاصل نہ کر سکیں جس کی وجہ سے انہیں وزارت عظمیٰ کی دوڑ سے باہر ہونا پڑا۔