اسٹاک ہوم: رواں برس کیمسٹری کا نوبل انعام مشترکہ طور پر تین ماہرین کیمیا کیرولین آر برٹوزی Carolyn R. Bertozzi، مورٹن میلڈل Morten Meldal اور کے بیری شارپلس K. Barry Sharpless کو کلک کیمسٹری میں ان کے کام کے لیے دیا گیا ہے۔ ہنس ایلیگرین، سکریٹری جنرل، رائل سویڈش اکیڈمی آف سائنسز نے بدھ کو اسٹاک ہوم کے کیرولنسکا انسٹی ٹیوٹ میں فاتح کا اعلان کیا۔
نوبیل کمیٹی ہر سال انعامات جیتنے والے افراد کے ناموں کا اعلان اکتوبر کے پہلے ہفتے میں شروع کرتی ہے۔ کمیٹی مجموعی طور پر 6 زمروں ’طب، معاشیات، کیمسٹری، فزکس، ادب اور امن‘ کے نوبیل انعامات دیتی ہے۔ گزشتہ روز فزکس کا نوبل انعام مشترکہ طور پر ماہرین طبیعات ایلین اسپیکٹ، جان ایف کلوزر اور اینٹون زیلنگر کو کوانٹم فزکس میں ان کی خصوصی شراکت کے لیے دیا گیا۔ اس کے علاوہ طب کا نوبل انعام سویڈن کے Svante Pbo کو دیا گیا ہے۔
2022 کے امن کے نوبل انعام کا اعلان جمعہ کو اور معاشیات کے نوبل انعام کا اعلان 10 اکتوبر کو کیا جائے گا۔ انعامات میں 10 ملین سویڈش کرونر (تقریباً 900,000 امریکی ڈالر) کا نقد انعام ہے اور یہ 10 دسمبر کو تقسیم کیے جائیں گے۔ یہ رقم نوبل انعام کے موجد سویڈش الفریڈ نوبل کی طرف سے چھوڑی گئی جائیداد میں سے دیا جاتا ہے، ان کا انتقال 1895 میں ہوا تھا۔