اسلام آباد: بین الاقوامی چلڈرن ایمرجنسی فنڈ (یونیسیف) نے کہا ہے کہ پاکستان میں ایک اندازے کے مطابق 1.6 کروڑ بچے سیلاب سے متاثر ہوئے ہیں اور ان میں سے کم و بیش 34 لاکھ بچوں کو زندگی بچانے کے لئے مدد کی فوری ضرورت ہے۔UNICEF On Pakistan Flood
حال ہی میں پاکستان کے صوبہ سندھ میں سیلاب سے متاثرہ علاقوں کا دورہ کرنے والے یونیسیف کے نمائندے عبداللہ فاضل نے اپنے بیان میں کہا کہ سیلاب سے متاثرہ علاقوں میں صورتحال انتہائی سنگین ہے، جہاں غذائی قلت کے شکار بچے اسہال، ڈینگو بخار، جلد کی بیماریوں اور دیگر تکلیف دہ بیماریوں کا شکار ہیں۔ انہوں نے کہا کہ سیلاب میں کم از کم 528 بچے جان گنوا چکے ہیں اور ان میں سے ہر ایک بچے کی موت ایسا سانحہ تھا جس سے بچا جا سکتا تھا۔ انہوں نے زور دے کر کہا کہ افسوسناک حقیقت یہ ہے کہ امداد میں اضافہ نہ ہونے کی صورت میں مزید کئی بچے اپنی جانیں گنوادیں گے۔