جکارتہ: انڈونیشیا کے صدر جوکو وڈوڈو نے کہا ہے کہ چین کے صدر شی جن پنگ اور روس کے صدر ولادیمیر پوتن نومبر میں بالی میں ہونے والی جی۔20 سربراہی اجلاس G20 summit in Bali میں شرکت کرنے کا ارادہ رکھتے ہیں۔ دونوں صدور روس کے یوکرین پر حملے اور تائیوان کے ساتھ بیجنگ کی بڑھتی ہوئی کشیدگی کے بعد اپنے پہلے عالمی سربراہی اجلاس میں شرکت کریں گے۔ وڈوڈو نے ایک انٹرویو کے دوران بین الاقوامی میڈیا کو بتایا کہ چین کے صدر شی جن پنگ اور روس کے صدر پوتن نے بھی انہیں بتایا ہے کہ وہ اس اجلاس میں شرکت کریں گے۔
ذرائع کے مطابق یہ پہلی تصدیق ہے کہ دونوں رہنما سربراہی اجلاس میں شرکت کریں گے۔ نومبر میں ہونے والی اس سربراہی کانفرنس کا بہت انتظار کیا جا رہا ہے جس میں امریکی صدر جو بائیڈن کی بھی شرکت متوقع ہے، لیکن یہ واضح نہیں ہے کہ وہ پوتن سے ملاقات کریں گے یا نہیں۔ جنوری 2020 میں کورونا وبا کے بعد شی جن پنگ پہلی بار چین سے باہر دورہ کریں گے۔ اس سال یکم جولائی کو ہانگ کانگ کی چین واپسی کی 25ویں سالگرہ کے موقع پر وہ چین سے روانہ ہوئے تھے۔
یہ بھی پڑھیں: