جکارتا: انڈونیشیاکے بالی ساحل کے انتظامیہ نے غیر ملکی سیاحوں کی طرف سے ٹریفک قانون توڑنے کے معاملے میں موٹر سائیکل کا استعمال کرنے سے منع کیا گیا۔ ورنر آئیواین کوسٹر نے کہا، غیر ملکی سیاحوں کو موٹر سائیکل کا استعمال کرتے ہوئے ، بغیر شرٹ یا کپڑے پہنے،بغیر ہیلمیٹ اور بغیر لائسنس کے بھی ساحل پر گھومنے کی اجازت نہیں ہونی چاہیے۔' انہوں نے کہا کہ سیاح ٹریول ایجنسی کے ذریعے فراہم کی گئی گاڑیوں کو ہی استعمال کریں گے۔ مقامی پولیس ریکاڈ کے مطابق ، اس ساحل پر 171سے زیادہ غیر ملکی سیاحوں نے فروری کے آخر سے مارچ شروعات تک ٹریفک قانون کی خلاف ورزی کی ہے۔ ان میں سے کچھ سیاح نقلی لائسنس پلیٹ کا بھی استعمال کرتے ہیں۔ کوسٹر نے کہا، اگر آپ ایک سیاح ہیں ، تو ایک سیاح کی طرح برتاؤ کریں۔
دراصل،بالی میں غیر ملکی سیاح اکثر ساحل کے چاروں طرف گھومنے کے لیے موٹر سائیکل کرائے پر لینا پسند کرتے ہیں۔ بالی انتظامیہ اس سال غیر ملکی سیاحوں کے ذریعے موٹر سائیکل کا استعمال کرنے پر پابندی لگانے کے بارے میں غور کر رہی ہے۔ ایک یوکرینی سیاح نے بی بی سی سے کہا کہ درست لائسنس والے غیر ملکیوں کو موٹر سائیکل کی سواری کرنے کے لیے 'آزادی' دی جانی چاہیے۔ انہوں نے کہا، ہم کسی ٹریویل ایجنٹ کی خدمات کا استعمال نہیں کر تے ہیں کیو نکہ ہم آزاد ہوکر گھومنا چاہتے ہیں اور ہم خود کام کرنا پسند کرتے ہیں تاکہ ہم اپنے سفر کا پورا لطف اٹھا سکیں۔ بالی کی موٹر بائیک رینٹل ایسوسی ایشن کے چیئرمین ڈیڈک وارجانا نے تشویش کا اظہار کیا کہ جلد بازی میں لائی گئی تجویز پر غور کرنا ضروری ہے اور حکام کو پابندی عائد کرنے کے بجائے مخصوص خلاف ورزیوں پر کارروائی کرنی چاہیے۔