FIA arrests Imran security chief ایف آئی اے نے عمران خان کے سیکیورٹی چیف کو گرفتار کرلیا

منی لانڈرنگ کیس میں سابق وزیر اعظم عمران خان کے معاون اور سیکورٹی چیف افتخار رسول گھمن کو پاکستان کی وفاقی تحقیقاتی ایجنسی نے گرفتار کرلیا ہے۔

اسلام آباد: پاکستان کی وفاقی تحقیقاتی ایجنسی (ایف آئی اے) نے منی لانڈرنگ کیس میں سابق وزیر اعظم عمران خان کے معاون اور سیکورٹی چیف افتخار رسول گھمن کی گرفتاری کی تصدیق کی ہے۔ یہ اطلاع میڈیا رپورٹس میں دی گئی ہے۔ ایف آئی اے کا کہنا ہے کہ ایجنسی کے اینٹی منی لانڈرنگ سیل (اے ایم ایل سی) نے لاہور میں قائم منی لانڈرنگ کے غیر قانونی کاروبار میں ملوث اندرونی طور پر سرگرم ریکیٹ کا پردہ فاش کیا اور گینگ کے دو ارکان کو گرفتار کر لیا۔

ایف آئی اے حکام کے مطابق گھمن قیصر مشتاق اور عاصم حسین کے ساتھ مل کر جعلی بین الاقوامی منی لانڈرنگ نیٹ ورک چلا رہے تھے۔ انہوں نے کہا کہ پورا نیٹ ورک بے نقاب ہو چکا ہے اور ہنڈی اور حوالوں کے ذریعے منی لانڈرنگ میں ملوث افراد کا ریکیٹ غیر قانونی طریقوں سے اربوں روپے مختلف ممالک میں منتقل کرنے میں ملوث ہے۔ یہ گروہ 40 سے زائد شیل کمپنیوں کو دوسرے ممالک میں رقوم کی منتقلی کے لیے استعمال کر رہا تھا۔

پاکستان تحریک انصاف (پی ٹی آئی) کے ذرائع نے ایف آئی اے کے الزامات کو مسترد کرتے ہوئے کہا کہ گھمن پارٹی کے قابل اعتماد رہنما تھے اور مختلف ممالک میں قائم بین الاقوامی کاروبار چلا رہے تھے اور پارٹی کی جانب سے درآمدات اور برآمدات کو ہینڈل کرنے کے مجاز تھے۔ پی ٹی آئی کے سربراہ نے گھمن کی گرفتاری کی مذمت کرتے ہوئے کہا کہ ان کے قریبی لوگوں کو ہراساں، اغوا اور تشدد کا نشانہ بنایا جا رہا ہے۔

سابق وزیراعظم نے اپنے ٹوئٹ میں کہا کہ ’’جب علی امین کو اغوا کیا گیا تو ڈی پی او نے ڈیرہ اسماعیل خان (ڈی آئی کے) میں سیشن جج کو کہا کہ وہ توہین عدالت کا مقدمہ دائر کریں گے، لیکن علی امین کو حراست میں لیا گیا کیونکہ اوپر سے حکم آیا تھا۔ "انہوں نے کہا کہ آج میرے سیکورٹی چیف افتخار گھمن کو اغوا کر لیا گیا ہے۔ یہ سب لندن پلان کا حصہ ہے جہاں نواز شریف کو یقین دلایا گیا تھا کہ پی ٹی آئی کا صفایا کر دیا جائے گا۔ (یو این آئی)