Terrorism Case Against Imran Khan دہشت گردی کے مقدمہ میں عمران خان کی پیشگی ضمانت منظور

اسلام آباد ہائی کورٹ نے سابق وزیراعظم اور پاکستان تحریک انصاف کے چیئرمین عمران خان کی دہشت گردی کے مقدمے میں تین روز کے لیے ضمانت قبل از گرفتاری کی درخواست منظور کرلی ہے۔ دراصل عمران خان کے خلاف اسلام آباد میں ایک ریلی کے دوران پولیس، ایڈیشنل سیشن جج اور اعلیٰ پولیس اہلکاروں کو نشانہ بنانے پر انسداد دہشت گردی ایکٹ کے تحت ایف آئی آر درج کی گئی تھی۔ Terrorism Case Against Imran Khan

اسلام آباد:پاکستان سابق وزیر اعظم عمران خان نے انسداد دہشت گردی قانون کے تحت گرفتاری سے بچنے کے لیے اسلام آباد ہائی کورٹ میں کی ضمانت قبل از گرفتاری کی درخواست دائر کی تھی۔ جس درخواست پر چند اعتراضات کے بعد عدالت نے عمران خان کو تین دن کی ضمانت قبل از گرفتاری منظور کرلی ہے اور عمران خان کو جمعرات تک متعلقہ عدالت یعنی انسداد دہشت گردی کی عدالت سے رجوع کرنے کا حکم بھی دے دیا ہے۔ درخواست خان کے وکلاء فیصل چودھری اور بابر اعوان کے ذریعے دائر کی گئی۔Terrorism Case Against Imran Khan

اس سے قبل پاکستانی میڈیا کے مطابق پی ٹی آئی سربراہ کے خلاف گرفتاری کا وارنٹ جاری کرنے خٰ خبریں گردیش کررہی تھیں جس کی وجہ سے اتوار کی رات گئے ان کی نجی رہائش گاہ بنی گالہ کے سامنے پولیس کی بھاری نفری اور پی ٹی آئی کارکنان تقریباً آمنے سامنے آ گئے۔

دراصل سابق وزیر اعظم کے خلاف ہفتہ کو اسلام آباد میں ایک ریلی کے دوران پولیس ، ایڈیشنل سیشن جج اور اعلیٰ پولیس اہلکاروں کو نشانہ بنانے پر انسداد دہشت گردی ایکٹ کے تحت ایف آئی آر درج کی گئی تھی۔ دریں اثنا، وزارت داخلہ نے مقدمہ درج ہونے کے بعد خان کو گرفتار کرنے کے لیے وزیر اعظم کے دفتر سے تحریری اجازت بھی طلب کی ہے۔

ذرائع کے مطابق عمران خان کی گرفتاری حکمران اتحاد میں شامل تمام جماعتوں کی رضامندی سے کی جائے گی۔دریں اثنا، پیپلز پارٹی کے رہنما اور سابق صدر آصف علی زرداری نے گرفتاری کی مخالفت کی ہے، کیونکہ ان کا خیال ہے کہ اس سے حکمران اتحاد کو سیاسی نقصان پہنچے گا۔