واشنگٹن: ٹویٹر کے سربراہ ایلن مسک نے کہا کہ اگر فلوریڈا کے ریپبلکن گورنر رون ڈی سینٹیس 2024 کے صدارتی انتخابات میں حصہ لینے کا فیصلہ کرتے ہیں تو وہ ان کی حمایت کریں گے۔ ایک ٹویٹر صارف نے جب پوچھا کہ کیا وہ 2024 میں رون ڈی سینٹیس کی حمایت کریں گے تومسٹر مسک نے 'ہاں' میں جواب دیا۔
ایلن مسک نے اپنے پہلے ٹویٹ میں بھی کہاتھا، 'میں نے ماضی میں ڈیموکریٹس کے لئے ووٹ کیاتھا لیکن وہ تقسیم اور نفرت کی پارٹی بن گئی ہے۔ میں اب مزید ان کی حمایت نہیں کروں گا اور ریپبلکن کو ووٹ دوں گا۔'
یاد رہے کہ مسک نےگزشتہ روز ایک ووٹنگ کا آغاز کیا تھا تاکہ یہ معلوم کیا جا سکے کہ مائکرو بلاگنگ سائٹ پر ٹرمپ کو بحال کیا جائے یا نہیں، اس دوران تقریبا 117 ملین سے زیادہ لوگوں نے ٹرمپ کو پلیٹ فارم پر دوبارہ بحال کرنے حمایت کی۔ ٹویٹر کے نئے سی ای او نے کہا کہ ہر گھنٹے میں دس لاکھ سے زائد لوگ ووٹنگ میں شامل ہو رہے ہیں۔ جس کے بعد سابق امریکی صدر ڈونالڈ ٹرمپ کا ٹویٹر اکاؤنٹ بحال کر دیا گیا۔ بتایا گیا کہ ڈونانلڈ ترمپ کا اکاؤنٹ بحال ہونے کے بعد محض 40 منٹ میں ان کے 13 لاکھ نئے فالوورز بڑھ گئے۔