Flood In Brazil: برازیل میں شدید بارش سے مرنے والوں کی تعداد سو سے تجاوز

برازیل کی شمال مشرقی ریاست پرنامبوکو میں گزشتہ ایک ہفتے کے دوران ہونے والی شدید بارشوں Flood In Brazil سے مرنے والوں کی تعداد 107 ہو گئی ہے جب کہ 11 افراد تاحال لاپتہ ہیں۔ مئی 1966 کے سیلاب کے بعد پرنامبوکو کی تاریخ میں دوسری سب سے بڑی آفت ہے۔

برازیل کی شمال مشرقی ریاست پرنامبوکو میں شدید بارشوں Flood In Brazilسے مرنے والوں کی تعداد بڑھ کر 107 ہو گئی ہے اور 11 افراد ابھی تک لاپتہ ہیں۔ ریاستی حکومت کے مطابق شدید بارشوں، سیلاب اور لینڈ سلائیڈنگ سے کئی مکانات کو نقصان پہنچا ہے اور 6650 افراد بے گھر ہو گئے ہیں۔ بارش کی وجہ سے زیادہ تر اموات ریاستی دارالحکومت ریسیف اور اس کے بلدیاتی علاقوں میں ہوئی ہیں۔

پرنامبوکو کی تاریخ میں مئی 1966 کے سیلاب میں 175 افراد کی اموات کے بعد کا یہ دوسرا بدترین سانحہ ہے۔فائر فائٹرز اور برازیل کی فوج تربیت یافتہ ریسکیو کتوں کی مدد سے لاپتہ افراد کی لاشوں کو تلاش کرنے پر توجہ مرکوز کر رہی ہے۔ پرنامبوکو کی 24 میونسپلٹیوں نے ہنگامی حالت کا اعلان کیا ہے، اور وفاقی حکومت نے اعلان کیا ہے کہ وہ متاثرہ علاقوں کی تعمیر نو کے لیے تقریباً 200 ملین ڈالر مختص کرے گی۔بارش نے سرگیپے، پیرابا، ریو گرانڈے ڈو نورٹے اور الاگواس کی ریاستوں کو بھی متاثر کیا جہاں تین افراد ہلاک اور 18000 سے زائد افراد کو نقل مکانی کرائی گئی۔