China Disturbed by NATO Strategic Vision: چین ناٹو کے اسٹریٹجک تصور سے پریشان

اقوام متحدہ میں چین کے سفیر ژانگ جون نے یوکرین سے متعلق اقوام متحدہ کی سلامتی کونسل کے اجلاس کے دوران ناٹو (شمالی اٹلانٹک ٹریٹی آرگنائزیشن) کے نئے اسٹریٹجک تصور پر گہری تشویش کا اظہار کیا ہے۔ China Disturbed by NATO Strategic Vision

اقوام متحدہ: چین کو ناٹو (شمالی اٹلانٹک ٹریٹی آرگنائزیشن) کے نئے اسٹریٹجک تصور پر گہری تشویش ہے اور اس نے اس پر زور دیا ہے کہ وہ اپنے موقف پر نظر ثانی کرے۔ یہ بات اقوام متحدہ میں چین کے سفیر ژانگ جون نے یوکرین سے متعلق اقوام متحدہ کی سلامتی کونسل کے اجلاس کے دوران کہی۔ مسٹر جون نے منگل کو کہا، "چین ناٹو کے اسٹریٹجک ایڈجسٹمنٹ پر پوری توجہ دیتا ہے اور نام نہاد اسٹریٹجک تصور کے پالیسی مضمرات کے بارے میں گہرائی سے فکر مند ہے۔" China Disturbed by NATO Strategic Vision

چین نے ناٹو پر زور دیا ہے کہ وہ نئی سرد جنگ نہ شروع کرے اور یوکرین کو اپنے مقصد کے حصول کے لیے قربانی کے بکرے کے طور پر استعمال نہ کرے۔ چینی سفیر نے کہا کہ ہم ناٹو پر زور دیتے ہیں کہ وہ سبق سیکھے اور یوکرین کے اس بحران کو دنیا بھر میں ایک نئی سرد جنگ کو بھڑکانے کے بہانے کے طور پر استعمال نہ کرے۔

واضح رہے کہ اس دوران چین نے یوکرین میں جاری تنازع کے پرامن حل کی بات کی اور کیف اور ماسکو کے درمیان مذاکرات کی حمایت بھی کی۔
یو این آئی