Blast in Kabul: کابل میں دو مقامات پر بم دھماکے، چھ ہلاک، متعدد زخمی

افغانستان کے دارالحکومت کابُل کے ایک اسکول کے قریب بم دھماکہ ہوا جس میں 6 افراد ہلاک ہوئے ہیں۔ Blast in Kabul High School

افغانستان کے دارالحکومت کابل میں دو اسکولوں کے قریب بم دھماکوں میں کم از کم چھ افراد ہلاک اور 12 سے زائد زخمی ہو گئے ہیں۔ مقامی ذرائع نے یہ اطلاع دی۔ پہلا دھماکہ مغربی کابل میں ممتاز اسکول کے علاقے میں ہوا۔ عینی شاہدین کے مطابق دھماکے میں متعدد افراد زخمی ہوئے۔ میڈیا ذرائع نے بتایا کہ دوسرا دھماکہ دارالحکومت کے مغرب میں دشت برچی میں ایک اسکول کے قریب ہوا۔ دھماکے میں 6 افراد ہلاک اور 12 سے زائد زخمی ہوگئے۔

افغان سکیورٹی اور صحت کے حکام کے مطابق آج مغربی کابل میں ایک ہائی اسکول کے قریب دھماکوں سے کئی افراد ہلاک ہوئے ہیں۔ افغانستان میڈیا رپورٹس کے مطابق 'آج صبح کابُل کے مغرب میں دو دھماکے ہوئے ہیں۔ افغانستان کے وزیر داخلہ نے، عبدالرحیم شہید ہائی اسکول کے قریب دھماکے کی تصدیق کرتے ہوئے کہا کہ واقعے کی تحقیقات شروع کردی گئی ہیں اور تفصیلات بعد میں بتائی جائیں گی'۔ کابل کے کمانڈر کے ترجمان خالد زدران نے کہا کہ 'ایک ہائی اسکول کے پاس دو دھماکے ہوئے جس میں کئی افراد زخمی ہوئے ہیں۔ ہسپتال کے نرسنگ ڈپارٹمنٹ کے سربراہ نے نام نہ ظاہر کرنے کی شرط پر بتایا کہ دھماکوں میں کم از کم 6 افراد ہلاک اور 14 زخمی ہوئے ہیں۔ اس حملے کی ذمہ داری فوری طور پر کسی نے قبول نہیں کی ہے۔ Bomb Blast in Afghanistan