Blast at A Mosque in Mazar-e-Sharif: افغانستان کے علاقہ مزار شریف میں دھماکہ، تیس افراد ہلاک، متعدد زخمی

افغانستان کے شہر مزار شریف کی ایک مسجد میں دھماکہ سے ہلاک ہونے والوں کی تعداد تیس تک پہنچ گئی ہے، جب کہ درجنوں افراد زخمی بھی ہوئے ہیں۔ Blast at a Mosque in Mazar-e-Sharif دو روز قبل کابل کے دو اسکولوں میں دھماکہ ہوا تھا جس میں 20 افراد ہلاک ہوگئے تھے۔

افغانستان کے شہر مزار شریف کی ایک شیعہ فرقے کی مسجد میں دھماکے میں کم از کم 30 افراد ہلاک اور 80 زخمی ہوگئے ہیں۔ خامہ پریس نے جمعرات کو صحت کے حکام کے حوالے سے یہ اطلاع دی۔اس دھماکے میں ہلاکتوں میں اضافہ ہوسکتا ہے ادھر دارالحکومت کابل میں آج دو دھماکے ہوئے جس میں دو بچے زخمی ہو گئے۔
خامہ پریس کی رپورٹ کے مطابق آج صوبہ قندوز میں بھی ایک بم دھماکہ ہوا جس میں چار شہری ہلاک اور آٹھ زخمی ہوئے۔Blast at A Mosque in Mazar-e-Sharif

دو روز قبل دارالحکومت کے ضلع دشت برچی کے عبدالرحیم شاہد ہائی اسکول میں ایک دھماکہ ہوا جس میں چھ افراد ہلاک اور درجنوں زخمی ہوئے۔ اس سے پہلے کابل کے مغربی حصے میں بھی ممتاز اسکول کی سرزمین پر ایک اور دھماکہ ہوا۔ دھماکوں کے بعد کابل کے محکمہ سیکورٹی نے چھ افراد کی ہلاکت کی تصدیق کرتے ہوئے کہا کہ 11 دیگر افراد زخمی ہوئے ہیں۔ تاہم ذرائع کے مطابق مغربی کابل میں ہونے والے دھماکوں میں مرنے والوں کی تعداد 20 سے تجاوز کر گئی ہے۔ ابھی تک کسی گروپ نے ان دھماکوں کی ذمہ داری قبول نہیں کی ہے۔