متحدہ عرب امارات کے وزیر خارجہ کا تین روزہ بھارت دورہ

متحدہ امارات کے خارجی اور بین الاقوامی امور کے وزیر شیخ عبداللہ بن زائد النہیان اتوارسے شروع ہورہے اپنے تین روزہ دورہ کے دوران بھارتی لیڈروں کے ساتھ مختلف امور پر تبادلہ خیال کریں گے۔

سرکاری ذرائع کے مطابق شیخ عبداللہ اتوار کی شام کو یہاں پہنچنے کے بعد پیر کو وزیر خارجہ ڈاکٹر ایس جے شنکر سے ملاقات کریں گے۔

متحدہ عرب امارات کے وزیر خارجہ کا وزیراعظم نریندر مودی سے ملاقات کا بھی پروگرام ہے۔ وہ بھارتی کمپنیوں کے چیف ایکزیکیوٹیو افسران کی میٹنگ سے بھی خطاب کریں گے۔امارات کے وزیر خارجہ کے دورہ کے دوران دونوں ممالک کے مابین تعلقات کو مضبوط بنانے کے ساتھ ہی نئے شعبوں میں تعاون بڑھانے پر زور دیا جائے گا۔ وزیراعظم نریندر مودی اگست 2015میں امارات کے دورہ پر گئے تھے اور تب دونوں ممالک کے مابین تعاون بڑھانے کے تعلق سے کئی معاہدے ہوئے تھے۔