امریکی حملے میں القاعدہ کے تین دہشت گرد ہلاک

یمن کے مشرقی صوبہ مارب میں امریکی ڈرون حملے میں القاعدہ گروپ کے تین مشتبہ دہشت گردوں کے ہلاک ہونے کی اطلاع ہے۔

یمن کی حکومت کے ایک اہلکار نے اپنی شناخت خفیہ رکھے جانے کی شرط پر بتایا کہ صوبہ مارب کے ضلع وادیٔ عبیدہ میں ایک امریکی ڈرون نے فو روہیلر گاڑی کو نشانہ بنا کر حملہ کیا جس میں القاعدہ گروپ کے تین دہشت گرد مارے گئے ۔

اس حملہ میں ان کی گاڑی بھی مکمل طور پر تباہ ہو گئی۔ مقامی میڈیا نے بھی فضائی حملہ کے بعد تین لاشوں کے برآمد ہونے کی تصدیق کی ہے۔