عراق میں داعش کے حملہ میں چھ فوجی ہلاک

عراق کے دیالہ صوبہ میں داعش کے حملہ میں چھ عراقی فوجی ہلاک اور چار دیگر زخمی ہوگئے ۔دیالہ صوبہ کے ایک پولیس افسر نے پیر کےروز یہ اطلاع دی ۔

دیالہ کے پولیس افسر السعدی نےبتایاکہ راجدھانی بغداد سے 100کلومیٹر شمال مشرقی صوبہ دیالہ کے المقدیہ شہر کے پاس ایک دیہی علاقہ میں فوج کے ٹھکانون پر اتواردیر رات داعش کے شدت پسندوں نے حملہ کیا۔اس دوران ہوئی جھڑپ میں عراقی فوج کےچھ جوان ہلاک اور چار دیگر زخمی ہوگئے ۔

دیالہ صوبہ میں مسلسل جاری فوجی کارروائی کے باوجودایران کے ساتھ ملحقہ سرحد کے دشوار گزار علاقوں میں داعش کے شدت پسند چھپے ہوئے ہیں جوفوجی ٹھکانوں پر اکثر حملے کرتے رہتے ہیں ۔