مصر میں کورونا متاثرین کی تعداد 99،425 ہوگئی

مصر میں کورونا وائرس (کووڈ 19) کے 145 نئے کیسز سامنے آنے کے بعد ملک میں متاثرہ افراد کی تعداد بڑھ کر 99،425 ہوگئی ہے۔

جمعرات کو وزارت صحت کے ایک بیان میں ترجمان خالد مجاہد نے بتایا کہ اسی عرصے کے دوران کورونا وائرس کے 18 مریضوں کی اموات سے مجموعی تعداد بڑھ کر 5،479 ہوگئی، جبکہ 789 مریضو کو اسپتالوں سے فارغ کردیا گیا۔ اب تک مصر میں 75،415 افراد اس وبا سے شفایاب ہوئے ہیں۔

واضح رہے کہ مصر میں کورونا وائرس کا پہلا کیس 14 فروری کو ملا تھا اور 8 مارچ کو اس مہلک وائرس سے پہلی موت واقع ہوئی تھی۔