اسرائیلی وزیراعظم بنیامین نیتن یاہو نے ایران کی ایک اور خفیہ جوہری تنصیب کاپتہ لگانے کا دعویٰ کیا ہے۔
نیتن یاہو نے دعویٰ کیا ہے کہ یہ جگہ ایران کے شہرعبادہ میں واقع ہے اور اس کو جوہری ہتھیاروں کی تیاری کے لیے تجربہ گاہ کے طور پر استعمال کیا جاتا رہا ہے۔
نتین یادو نے مزید کہا کہ ایران نے اسرائیل کو پتہ چلنے کے بعد اس جگہ کو ختم کردیا ہے۔
اسرائیل نے اس جگہ کا 2018ء میں تہران کے نواح میں ملنے والی دستاویز سے پتہ چلایا تھا۔
اسرائیل کے انٹیلی جنس ایجنٹوں نے ایک خفیہ کارروائی میں یہ دستاویزات حاصل کرنے کا دعویٰ کیا تھا۔
وہیں صہیونی وزیراعظم نے ایران کی قیادت کو براہِ راست مخاطب ہوکر خبردار کیا ہے کہ اسرائیل ایرانیوں کی کذب بیانیوں، دھوکا دہی اور خلاف ورزیوں کو بے نقاب کرتا رہے گا۔
اسرائیلی وزیراعظم نے عالمی برادری پر زوردیا ہے کہ ’’وہ ایران کے خلاف پابندیاں عاید کرنے میں امریکی صدر ڈونلڈ ٹرمپ کا ساتھ دے۔‘‘