ایران کی فضائی حدود مسافر طیاروں کے لیے بند

ایران کے ذریعے امریکہ کے ڈرون طیارے کو نشانہ بنانے کے پیش نظر الگ الگ بین الاقوامی فضائی کمپنیز نے ایران کی فضائی حدود سے اپنے جہازوں کو گزارنے سے منع کر دیا ہے۔

اطلاعات کے مطابق مشرق وسطیٰ کی سب سے بڑی فضائی کمپنی اتحاد ایئر لائنز نے بھی اپنے طیاروں کو خلیج عمان کے اوپر سے گزرنے سے روک دیا ہے۔

حالانکہ ایران کے شہری ہوابازی انتظامیہ نے ایران کی فضائی حدود کو مکمل طور پر محفوظ بتایا ہے۔

واضح رہے امریکی ڈرون کو ایران کے ذریعے نشانے بنانے کی وجہ سے امریکی صدر ڈونلڈ ٹرمپ نے سخت رویہ اختیار کیا ہے اور ایران کو انتباہ بھی دیا ہے۔

اس کے علاوہ ٹرمپ نے ایران کے تین مقامات کو نشانہ بنانے کا حکم دیا تھا لیکن بعد میں انہوں نے اس حکم کو واپس لے لیا۔

ایران اور امریکہ کے درمیان جاری تنازع کے سبب نہ صرف خطے کے ممالک بلکہ عالمی ممالک نے بھی تشویش کا اظہار کیا ہے۔

برطانیہ کے وزیر خارجہ اینڈریو مورسن اتوار کو تہران کا دورہ کریں گے اور وہ اس کشیدگی کو فوری طور پر کم کرنے کے لیے دباؤ ڈالیں گے۔