سعودی ہوائی اڈوں پر حملے

سعودی عرب کے دو ہوائی اڈوں پر ایک بار پھر یمنی حوثی باغیوں کے ذریعہ حملے کیے گئے ۔تاہم ان حملے میں کسی طرح کے نقصان ہونے کی اطلاع نہیں۔

خبر رساں ادارے شنہیا کے مطابق حوثی باغیوں کے فوجی ترجمان نے کہا ہےکے انھوں نے سعودی عرب کے دو ہوائی اڈے جیزن اور آبھا پر ڈرون سے حملے کیے ہیں۔

وہیں سعودی عرب نے ان حملوں سے کسی بھی طرح کی جانکاری نہیں دی ہے۔

یمنی حوثی باغی سعودی عرب پر مسلسل ڈرون حملے کر رہے ہیں۔ رواں مہینے میں بھی باغیوں کی طرف سے آبھا ہوائی اڈے پر دو ڈرون حملے کئے گئے تھے ، اس حملے میں ایک کی موت اور 30 لوگ زخمی ہو گئے تھے۔

سعودی عرب اور یو اے ای فوجی اتحاد گذشتہ چار برسوں سے یمن سے حوثی باغیوں کو ختم کرنے کی لڑائی لڑ رہے ہیں۔