افغانستان : بم دھماکہ میں 22لوگ زخمی

افغانستان کے شمالی بلخ صوبہ کی دارالحکومت مزار شریف میں منگل کو ہوئے زبردست دھماکہ میں کم از کم 22لوگ زخمی ہوگئے۔

سرکاری ذرائع نے بتایا کہ مزار شریف میں منگل کی صبح ہوئے زوردار دھماکہ میں 22 لوگوں کو بلخ اسپتال کے ایمرجنسی وارڈ میں داخل کرایا گیا ہے۔ ان میں سے کسی کی حالت سنگین نہیں ہے۔

صوبائی پولیس ترجمان عادل شاہ عادل نے بتایا کہ یہ دھماکہ دیسی دھماکہ کے ذریعہ کرایا گیا اور اسے شہر میں الوکوزئی اسکوائر میں سڑک کنارے ایک سائکل پر رکھا گیا تھا۔

زخمیوں میں ایک پولیس افسر اور ٹریفک پولیس کے تین جوان شامل ہیں۔ سلامتی دستوں نے پورے علاقہ کا احتیاط کے طورپر محاصرہ کرلیا ہے۔ اب تک کسی بھی تنظیم نے اس کی ذمہ داری قبول نہیں کی ہے۔