اسرائیل میں کورونا کے 1728 نئے کیسز

اسرائیل میں کورونا وائرس سے اموات کی تعداد 365 سے بڑھ کر 371 ہوگئی ہے۔

اسرائیلی وزارت صحت نے بتایا ہے کہ 'فروری کے آخر میں ملک میں وبا پھیلنے کے بعد یہ یومیہ کا دوسرا بڑا اضافہ ہے۔ اس سے قبل اسرائیل میں 24 گھنٹے میں 1962 کیسز سامنے آئے تھے۔

وہیں اسرائیل میں کورونا سے اموات کی تعداد 365 سے بڑھ کر 371 ہوگئی ہے۔ سنگین مریضوں کی تعداد 183 پر مستحکم ہے جبکہ 529 مریض اس وقت ہسپتال میں داخل ہیں۔ اسرائیل میں کورونا کے 270 مریض صحت مند ہوچکے ہیں، جس سے صحت یاب ہونے والے مریضوں کی کل تعداد 19665 ہوگئی ہے، جبکہ فعال کیسز 22،324 ہیں۔

اس سے قبل اسرائیلی وزیر اعظم بنجامن نیتن یاہو نے منگل کے روز ایک میٹنگ میں صحت اور معاشی چیلنجوں سے نمٹنے کے لیے اٹھائے جانے والے سخت اقدامات پر تبادلہ خیال کیا۔