گوٹریس نے امن فوجیو ں کے قتل کی مذمت کی

اقوام متحدہ کے سکریٹری جنرل انٹونیو گوٹریس نے مالی میں اقوام متحدہ کے امن فوجیوں کے قتل کی سخت الفاظ میں مذمت کی ہے، اقوام متحدہ کے سربراہ کے ترجمان اسٹیفن دجارك نے اس سلسلے میں ایک بیان بھی جاری کیا گیا ہے۔

جاری بیان کے مطابق گوٹریس نے کہا ہے کہ امن فوجیوں پر حملہ کرنے والے لوگ بین الاقوامی قانون کے تحت جنگی مجرم ہیں ۔ انہوں نے مالی انتظامیہ سے بات کی اور حملہ آوروں کی اب تک شناخت نہیں ہونے پر تشویش ظاہر کی۔

بیان کے مطابق سکریٹری جنرل نے کہا کہ اس طرح کے بزدلانہ حملے اقوام متحدہ کو امن اور استحکام برقرار رکھنے اور مالی کے عوام اور حکومت کی حمایت جاری رکھنے کے اپنے عز م سے نہیں روک سکیں گے۔

انہوں نے اس حملے میں مارے گئے امن فوجیوں کے اہل خانہ کے تئیں اپنی تعزیت کا اظہار کیا اور زخمیوں کے جلد صحت یاب ہونے کی دعا کی ۔