ترکی پرامریکی پابندی کا امکان

روس سے ایس -400 میزائل دفاعی نظام خریدنے کی وجہ سے ترکی کو امریکی پابندیوں کا سامنا کرنا پڑ سکتا ہے۔

ایک اطلاع کے مطابق امریکہ نے دھمکی دی ہے کہ اگر روسی میزائل تعینات کیے جاتے ہیں تو امریکہ ایف 35 جیٹ طیارے ترکی کو فراہم نہیں کرے گا، اور ترکی کی کمپنیوں کو ایف 35 کے پیچیدہ اور مہنگے اہم پرزہ جات تیار کرنے کے ٹھیکے منسوخ کیے جائیں گے۔

امریکی صدر ڈونالڈ ٹرمپ کی ٹیم نے ترکی کے ایس -400 معاملے کےخلاف اپنی سخت نا راضگی کا اظہار کیا ہے۔

امریکی صدر ڈونالد ٹرمپ نے ترکی پرپہلے ہی کئی پابندیاں لگانے کا فیصلہ کر لیا ہے۔

اس سے پہلے ترکی کی وزارت دفاع ہلوسی اکر نے جمعہ کو ایک بیان جاری کر کےکہا تھا کہ ایس -400 ایئر ڈیفنس میزائل نظام کی پہلی کھیپ دارالحکومت انقرہ پہنچ چکی ہے۔