جرمنی میں کورونا متاثرین کی تعداد ایک لاکھ 25 ہزار سے زائد

جرمنی میں ایک دن میں کورونا وائرس (كووڈ-19) انفیکشن کے 2082 نئے کیسز سامنے آنے کے ساتھ ہی متاثرین کی کل تعداد بڑھ کر 1,25،098 تک پہنچ گئی۔

جرمنی کی مرکزی تنظیم رابرٹ کوچ انسٹی ٹیوٹ نے بتایا کہ ملک میں کورونا وائرس سے مرنے والوں کی تعداد 170 سے بڑھ کر 2،969 ہو گئی ہے۔

تنظیم نے بتایا کہ جرمنی میں کورونا وائرس سے متاثر تقریبا 68،200 لوگ علاج کے بعد صحتیاب ہو ئے ہیں۔ ملک میں گزشتہ 24 گھنٹوں میں ہی تقریبا 3،600 لوگ صحتیاب ہوئے ہیں۔

ملک میں زیادہ تر معاملے بویریا ریاست سے 33،569 درج کیے گئے ہیں، اس کے بعد شمالی رائن-ویسٹ فیلیا سے 25،300 اور بیڈن ورٹمبرگ سے 25،040 درج کیے ہیں۔ دارالحکومت برلن میں کورونا کے کل 4،668 معاملات کی تصدیق کی گئی ہے۔