ساجد جاوید
49 سالہ ساجد کی پیدائش پاکستانی نژاد خاندان میں برطانیہ میں ہوئی۔ سنہ 2018 میں ساجد جاوید کو ٹریزامے کی حکومت میں وزیرداخلہ بنایا گیا تھا تو وہ برطانیہ کے نسلی اقلیتی کمیونٹی سے پہلے وزیرداخلہ منتخب ہوئے تھے۔
ساجد جاوید برطانیہ کے برومزگروو سے سنہ 2010 میں رکن پارلیمان بنے۔ ان کی پیدائش برطانیہ کے راکڈیل میں ایک پاکستانی خاندان میں ہوئی۔
ساجد جاوید نے اپنی اسکولنگ برسٹل سے کی۔ یہاں ان کی فیملی نے خواتین کے کپڑوں کی ایک دکان خریدی تھی، اسی دکان کے اوپر بنے دو کمروں کے فلیٹ میں ان کا خاندان رہتا تھا۔
اسکول کی تعلیم کے دوران ہی ساجد جاوید کی دلچسپی بینک اور سرمایہ کاری کی طرف ہو گئی تھی۔ انہوں نے محض 14 برس کی عمر میں اپنے والد کے بینک مینیجر سے ملاقات کی اور 500 پاؤنڈ قرض لے لیے اور یہ رقم انہوں نے سرمایہ کاری میں لگا دی۔ کم عمر ہی میں ساجد جاوید بینکنگ سیکٹر میں بڑی کامیابیاں حاصل کیں۔
پریتی پٹیل
برطانیہ کی نومنتخب وزیرداخلہ پریتی پٹیل کی پیدائش لندن میں ہوئی۔ ان کے والدین حقیقی طور پر گجرات سے تعلق رکھتے تھے، لیکن پھر وہ یوگانڈا چلے گئے، بعد میں برطانیہ آ بسے۔
دو برس قبل ایک تنازع کی وجہ سے پریٹی پٹیل کو ٹریزامے کی کابینہ سے استعفی دینا پڑا، لیکن اب حکومت میں ان کی واپسی ہوئی ہے۔
پریٹی پٹیل بہت کم عمر ہی میں کنزرویٹو پارٹی میں شامل ہوگئیں، اس وقت ان کی عمر بمشکل 20 برس تھی، تب جان میجر برطانیہ کے وزیراعظم تھے۔